REMATAMOS AS NOSAS INVESTIGACIÓNS E PREPARAMOS O FINAL DE CURSO.

Nestes días estivemos ultimando a preparación dos nosos traballiños para levar a casa.

Rematamos pouco a pouco as nosas ivestigacións sobre bichos falando das formaigas e das abellas, vendo vídeos sobre os seu traballo e cortos da serie "Minúsculo" , que pouco teñen que ver coa realidade dos bichos pero que nos fan rir moito.

Aqui vos deixamos algunhas fotiños das nosas derradeiras investigacións.

E estes son algúns dos nosos vídeos favoritos de "Minúsculo".

- A catapulta.

- Unha historia de amor.

- A avispa e a lúa.

- As carreiras.

Agardamos que pasedes un bo momento en familia cos nosos vídeos favoritos.

Quixera aproveitar para darvos algúns recadiños de cara ao final de curso:

- O venres levaron para casa os traballiños do "Proyecto para jugar a pensar con la mariquita Juanita", adicádelles un tempo a miralos cos pequenos/as e valorade moito o seu esforzo e non me refiro só ao que se ve nas fichas, porque detrás delas hai moito traballo de madurez, observación, saber escoitar e razoamento.

Lembrade que os traballiños de Juanita son para gardar na casa pero as carpetas teñen que traelas de volta á escola para poder gardar os traballos que ímos levar nos próximos días para casa.

- Non vos esquezades que mañán luns día 20 temos a reunión de final de curso na aula ás 17:30 á que é importante que asistades.

- Lembrade que o martes, sempre e cando o tempo o permita, desfrutaremos dunha xornada de xogos ao aire libre no parque da Laboral e para que se desenvolva o mellor posible é moi importante que sigades os consellos que se vos mandaron ao TokApp. (que veñan con roupa e calzado cómodo, protección solar posta xa da casa e unha merenda sinxela que lles resulte doada de comer no campo)

Bicos e boa semana.

MARIONETAS E PORTADAS DO 3º TRIMESTRE

Fai uns día xurdiu o tema das marionetas, preguntábanse cómo podían facer para movelas, así que convertimos a Olaya nunha marioneta e entendimos o seu funcionamento moito mellor.

Ademais destes experimentos que non están programados pero xurden froito da nosa curiosidade, tamén estamos facendo un traballo moi meticuloso e que require moita precisión e paciencia.

Estamos facendo a pouquiños as portadas do 3º Trimestre.

¿Qué sera? Alguén o adiviña?

Bicos e boa semana.

VISITA AO MAC.

O venres visitamos o MAC, alí había unha exposición adicada aos retratos coa que aprendimos mooooooito.

O primeiro foi saber qué querían dicir as letras MAC.

- M de museo.

- A de arte.

- C de contemporáneo.

Coas ideas claras e sabendo o que ímos ver comeza a visita coa axuda de Carmen, Fernando e Jaime, os tres monitores do museo.

Aprendimos cousas de retratos en fotos.

En esculturas.

En movemento, a través dun vídeo proxectado en dúas pantallas.

Neste vídeo representábase como os refuxiados teñen que abandonar as súas casas pola guerra e Jacobo lembrou cando falamos de Malala que tamén tivera que marchar do seu país.

Aprendimos a elaborar moldes para facer esculturas con Carmen e Fernando.

Fixemos un retrato entre tod@s poñendo as partes da cara que faltaban e coa axuda de Jaime que ía buscando nun maletín máxico as pezas.

Xa para rematar, fixemos un retrato en movemento no que a parte superior do corpo correspondía a un de nós e a parte inferior a outro. E todo isto con música, pois un de nós era o xefe e dicía aos dous que posaban como tiñan que bailar.

Nin que dicir ten, que algún descubrimos que leva o ritmo no corpo e. . . iso de que che digan como bailar. . . cando eres pura música. . . 

Foi divertidiiiiiiiiiisimo !  !  !

Ao chegar merendamos facendo un picnic no patio.

E ao rematar a merenda, desfrutamos do patio para nós soliños, pois o recreo xa rematara cando chegamos do MAC.

Aqui vos deixamos un vídeo - resumo en imaxes da xornada.

Visita ao MAC on PhotoPeach
 
E así foi o noso picnic e os xogos na patio á volta.

Picnic e xogos á volta do MAC on PhotoPeach

Bicos.

REMATAMOS AS SESIÓNS DE XOGAR A PENSAR CON JUANITA.

Xa queda pouco para rematar o curso e facendo contas decidín que os contos de Juanita e as sesións de filosofía para nenos (xogar a pensar) que tiña previstas son demasiadas para poder facelas con calma e que sexan realmente produtivas para eles/as.

Hai cousas que vale a pena facer ben ou non facelas.

Polo tanto, por este curso rematamos as nosas sesións adicadas a Juanita e aos seus amigos, e o próximo curso  no primeiro trimestre retomaremos os contos e as sesións que nos faltan con calma e ilusións renovadas.

Ímosvos amosar as nosas últimas sesións.

Coñecimos a Luci a luciérnaga.

Falamos da actitude de Luci axudando ás fadas e reflexionamos: 

- Qué sentimos cando necesitamos axuda e atopamos a alguén que nos axude? e cando non atopamos a ninguén que nos axude?

- É importante axudar a outros? Por qué? Cómo nos sentimos cando axudamos a outros?

- Qué pasaría si nunca ninguén axudase aos demais?

Debuxamos a Luci, a luciérnaga.

Juanita pregúntalle a Luci si ten medo á escuridade e nós aproveitando falamos do medo á escuridade e doutros medos que teñen eles/as.

Aproveitamos para desplazarnos pola aula con luz como se fósemos Luci e ás escuras como se fósemos Juanita e comparamos ambas formas de desplazarse.

Falamos da luz de Luci, a luciérnaga e comparámola con distintos tipos de luces naturais ( sol, estrelas, luna) e artificiais ( farolas, coches, velas).

Juanita ao principio da historia confunde a Luci cunha estrela, aproveitamos para observar e comentar un cadro onde aparecen estrelas: Noite estrelada de Vicent Van Gogh.

Logo facemos a nosa propia versión do mesmo.

Coñecemos a Leticia, a cigarra.

Leticia cantaba mooooooi alto pero Juanita aínda que iso molestáballe era capaz de aceptalo sen enfadarse. Falamos das cousas que non nos gustan dos demais pero que somos capaces de aceptar e das que non podemos aceptar.

A conversa derivou en falar de veciños molestos que petan todos os días porque non para de martillar. . . e eu entendinos perfectamente e encantoume a solución de escondelles as ferramentas. . . ja, ja, ja... foi divertidísimo.

Como Juanita da consellos a Leticia para que se coide,  verbalizamos consellos de saúde que poden ser bos para nós: comer froita e verdura, dormir moito, tomar leite, non xogar ao bruto, dar a man para cruzar, etc. A teoría sábena. . . non estou tan segura de que cumplan todo o que dixeron pero. . . o que importa é a intención.

Propúxenlles debuxar a canción que canta Leticia a cigarra e para inspirarse deitáronse no chan cómod@s e relaxad@s para escoitar música de Tchaikovsky: Cascanoces (Danza china) e os cantos dunha cigarra de verdade.

Despois debuxaron a canción de Leticia, cada un/unha como a imaxinaba, pero tod@s moi fermosa.

Xa por último, observamos e comentamos un cadro relacionado coa música.

Para esta ocasión eleximos o cadro de Edgar Degas: a canción do can.

Despois coa imaxe a cor do cadro, tentamos recortala en catro pezas e formar un puzzle colocando cada peza no lugar correcto.

Os resultados foron dispares, pois os cadro tiña moitos detalles nos que había que fixarse e había que prestar moita atención, pero ao final conseguímolo tod@s.

Con todos os traballiños que plasmamos individualmente en papel faremos un libriño que próximamente levaremos a casa. Mágoa non poder levar tamén as conversas, pois de como empezamos ata estas alturas de curso a evolución nótase moito e as ideas que xurden ás veces son xeniais.

Bicos.

@S BICHÓLOG@S NON DESCANSAN NUNCA ! ! !

As nosas cabeciñas non teñen paraxe, por iso seguimos na procura de información sobre os bichos.

Estivemos investigando cousas sobre os caracois, sabemos que NON son insectos, aprendimos os nomes das partes do seu corpo e tamén indagamos cales son as súas comidas favoritas.

Logo plasmamos parte do aprendido en dous traballiños individuais.

Investigamos as arañas e. . . xa postos a contar patas os miriápodos.

Xa sabemos que nin as arañas nin os miriápodos son insectos porque teñen máis de 6 patas.

Despois das nosas averiguacións, plasmamos parte do aprendido nun traballiño individual para o libro dos bichos que estamos elaborando.

Encántanos aprender palabras complicadas e dicir miriápodos agora é "trending topic" na nosa clase! ! ! je , je, je. . . 

Voltamos aos insectos e centrámonos nas súas cabezas, semellanzas e diferenzas.

Todos os insectos teñen na cabeza. . . 

Manuel Nistal tróxonos o invento definitivo, o único e inimitable. . . CAZABICHOS ! ! !

Aclaramos que o que quere e cazalos para investigalos e logo déixaos en liberdade para que vivan felices.

Xa podedes imaxinar que o invento en cuestión causou furor ! ! !

A pregunta do millón era : "Manu, dónde te lo compraron?"

E agora un vídeo resumo en imaxes.

@S BICHÓLOG@S NON DESCANSAN NUNCA! ! ! on PhotoPeach

Bicos.