UNHAS MAZÁS CON SORPRESA ! !

Antes de tantas vacacións, pontes, acueductos, festivos varios e demáis momentos ociosos, estivemos pintando con pincel unhas mazás moooooooi especiais.

Había que ter moito coidado para non pintar o burato, que tiña que ser de cor negra.

Cada un elexiu a cor da súa mazá. Cando secaron, picámolas, pegámolas nunha folla de cores e fixemos uns vermes que colocamos entrando por un buratiño e saíndo por outro.

Quen se atreve a comelas? ? ?

Bicos.

23 DE ABRIL: DÍA DO LIBRO.

Para conmemorar o DÍA DO LIBRO fixemos uns marcapáxinas a partires do cadro TERRA, MAR E AIRE de JORGE PETEIRO.

Nós dividimos o cadro en 3 partes para facer 3 modelos de marcapáxinas diferentes.

E así foi como o preparamos. . . 

Como veredes, quedaron ben bonitos. . . 

Que pasedes unha boa semana.

Bicos.

22 DE ABRIL: DÍA INTERNACIONAL DA TERRA.

 Con motivo do DÍA INTERNACIONAL DA TERRA,  recibimos na aula este mércores a unhas nais colaboradoras que levaban a cabo unha actividade plástica con materiais de reciclaxe, organizada polo Concello.

Para iso vos pedimos distintos materiais de reciclaxe ao comezo de semana, e quixera agradecervos a colaboración a tod@s @s que aportáchedes material, posto que son consciente de que avisamos con pouca antelación.

Comezaron a actividade contando un pequeno conto para concienciar da importancia de conservar e coidar o noso planeta, e logo dividiron aos nen@s en grupos para traballar.

Cos que tiñan caixa de queixiños fixeron un instrumento musical e cos demáis fixeron unha bolboreta con pinzas.

Posto que tiñan que ir polas tres clases de 4 anos, só tiveron tempo de facer unha actividade con cada un de nós. Por iso, e vendo que os cativ@s desfrutaban da actividade, decidimos quedar na aula co material restante para empregalo en facer nós tamén actividades plásticas reciclando materiáis.

Hoxe levamos para casa as cousas que fixemos, porque moitas tiñan purpurina e non secaron a tempo para levalas onte.

Pero estivemos falando ao longo da semana das cousas que podemos facer e que están nas nosas máns para coidar o noso planeta.

E. . . que saibades que algún se chivou desas colillas que tirades na rúa, na area da praia ou pola ventaniña do coche. . . que mal, que mal. . .  Hai que dar exemplo ! ! !

Graciñas ás expertas en reciclaxe por vir a visitarnos e traballar con nós ! ! ! 

Bicos.

CUMPLE DE LUCAS ! ! !

Cando digo que andamos de festa en festa, non é nada esaxerado, porque o mércores celebramos o cumpleanos de Lucas.

Él convidounos a un biscoito riquísimo para merendar, e a chuches para tomar na casa e nós quedámoslle a deber a postal de cumple, que a temos feita pero falta asinala porque non tivemos tempo! ! !

Coma sempre, cas postáis ímos un pouco mais lentos que cas celebracións, pero o importante é que aínda que nos leve tempo preparalas, tod@s a levamos de recordo.

Moitos bicos e espero que teñas moitos agasallos ! ! !

CUMPLE DE ANA ! ! !

Xa estamos de volta! Isto é a recta final, pero nós seguimos de festa en festa e de celebración en celebración. 

Nada máis comezar, o martes, celebramos o cumple de Ana, que nos convidou a biscoito para merendar e a caramelos brandiños de postre.

Nós agasallámola a ela cunha postal de cumple que aínda asinamos hoxe, porque somos xentiña moooooooi pero que moi ocupada ! ! ! 

Moitos bicos e espero que teñas moitos agasallos ! ! !

XOGAMOS A DETECTIVES DAS LETRAS ! ! !

Para que ninguén se aburra nas vacacións e xoguedes igual que facemos no cole.

Son actividades e xogos do tipo dos que facemos na aula, a nivel oral, en gran grupo no encerado ou na pizarra dixital , ou de maneira individual mediante algunha ficha.

Á volta das vacacións xogaremos tod@s xuntos.

Ide practicando ! ! !

Bicos.

DECORAMOS OVOS DE PASCUA ! ! !

Está claro que o noso é o artisteo, teatreiros somo un cacho, e o mesmo cantamos seguindo unha partitura que pintamos o que sexa necesario.

Desta volta, tocou decorar OVOS DE PASCUA que nos trouxo a profe Eva para tod@s.

Graciñas Eva, encantounos esta actividade! ! !

Para non pringarnos moito, clavamos os ovos nun pau de brocheta. 

Agarrando o pau nunha man e o pincel na outra, con moito coidado pintamos a cor de base dos nosos ovos.

A concentracíón era máxima cada vez que había que xirar o ovo ! ! !

A Bruxa Pepita, moi previsora ela, trouxo paletas de pintores onde puxemos distintas cores repartidas por cada mesa.

Ao final parece que a cor que tivo máis éxito foi o rosa.

Ups!!! Anxo qué fas escondido detrás dunha flor? ? ?

Nesta foto podedes ver ben as nosas paletas de pintores.

A idea das paletas de pintores díxonola a profe Alexandra de 2º, que nos prestou unhas súas para probar.

A verdade é que as paletas nos resultaron moi prácticas e despóis ca pintura que sobrou  fixemos cadros de "estilo libre".

Ups!!! Marc e Carmen tamén están agachados!!!

Non vos preocupedes, no vídeo saen tod@s ben.

Ás veces, os marcos  son moi bonitos, pero nada doados de encaixar na foto ! ! !

Nestas tazas de coelliños tan monísimas. . . podedes ver algúns dos nosos ovos xa decorados e secando, e os que xa estaban preparados para levar no seu paquetiño.

Aqui vos deixamos ademáis o vídeo cas fotos.

Ovos de Pascua. on PhotoPeach 

 

Bicos.

AGASALLOS PARA DESPEDIR O TRIMESTRE.

O venres, Lucas e Anxo trouxeron uns agasallos para desepedir o trimestre da forma mais doce : comendo chocolate.

Lucas trouxo unha bolsa moi orixinal que fixo ca axuda da súa nai, cun debuxo dun coelliño, na que traía chocolatinas para tod@s e que tomamos despóis da merenda.

Anxo repartiu unhas caixiñas con foma de coelliño, que tamén fixo ca axuda de súa nai, porque eran un pouco difíciles de recortar. Estas levámolas para casa, para ensinarvos a caixiña e acordamos que comeríamos o chocolate pola tarde despóis da merenda.

Graciñas a Lucas e Anxo e ás súas familias por lembrarse de nós de xeito taaaaaan doce ! ! !

Bicos.

O POLO PEPE.

Este foi o traballo que eleximos para presentar ao concurso de portadas do Galopín, a revista do colexio.

Despóis de contar o conto do Polo Pepe, un clásico que sempre gusta, dos que nunca pasan de moda, puxémonos máns á obra para facer ao noso poliño comendo grans de millo.

Os nosos debuxos, como podedes ver son do máis alegres e simpáticos.

Antes falamos da familia dos pitiños: a galiña e o galo, así como de outros animais que poden vivir nuha granxa  e dos cales as persoas obtemos beneficios: ovos, leite, lá, etc.

Traballamos moito para facer a nosa particular versión do Polo Pepe:  primeiro debuxamos co lápiz, despóis repasámolo con rotu negro, coloreamos con cera branda de Manley e rematamos facendo un fondo de cera dura e pintando herbiñas co rotulador.

Como ilustrador@s profesionais, mais ou menos. . . 

No seguinte vídeo podedes vernos en acción traballando.

                  O Polo Pepe. on PhotoPeach

Bicos.

TAMBO E ONZA.

 Seguro que na casa falaron nestes días de Tambo e Onza.

A profe Eva prestounos un conto moi chulo, que ademáis viña cun cd e un dvd.

Así foi como coñecemos ao tartarugo Tambo e á súa moza, a tartaruga Onza, e a outros moitos amig@s que viven xunto a eles na Ria de Pontevedra.

E desfrutamos moito cantando as súas cancións e vendo os seus vídeos na pizarra dixital.

Graciñas polo préstamo Eva !!! Gustounos moito!!!

Atent@s porque nos próximos días veredes os traballiños que fixemos do conto do Polo Pepe, cómo decoramos os ovos de Pascua que levamos hoxe para casa, as sorpresas que nos trouxeron algúns compañeiros e. . . un xogo de Edilim que nos vai deixar a Bruxa Pepita no blog, para que nas vacacións xoguemos a. . . DETECTIVES DAS LETRAS ! ! !

Bicos.